יהושע י״ח:כ״א-כ״ח

וְהָיוּ הֶֽעָרִים לְמַטֵּה בְּנֵי בִנְיָמִן לְמִשְׁפְּחוֹתֵיהֶם יְרִיחוֹ וּבֵית־חׇגְלָה וְעֵמֶק קְצִֽיץ׃

וּבֵית הָעֲרָבָה וּצְמָרַיִם וּבֵֽית־אֵֽל׃

וְהָעַוִּים וְהַפָּרָה וְעׇפְרָֽה׃

וּכְפַר (העמני) [הָעַמֹּנָה] וְהָעׇפְנִי וָגָבַע עָרִים שְׁתֵּים־עֶשְׂרֵה וְחַצְרֵיהֶֽן׃

גִּבְעוֹן וְהָרָמָה וּבְאֵרֽוֹת׃

וְהַמִּצְפֶּה וְהַכְּפִירָה וְהַמֹּצָֽה׃

וְרֶקֶם וְיִרְפְּאֵל וְתַרְאֲלָֽה׃

וְצֵלַע הָאֶלֶף וְהַיְבוּסִי הִיא יְרוּשָׁלַ͏ִם גִּבְעַת קִרְיַת עָרִים אַרְבַּֽע־עֶשְׂרֵה וְחַצְרֵיהֶן זֹאת נַחֲלַת בְּנֵֽי־בִנְיָמִן לְמִשְׁפְּחֹתָֽם׃ {פ}